कल्याण पश्चिम हे एका बेटा प्रमाणे आहे, कारण कल्याण पश्चिम चार बाजु पैकी तीन बाजु ह्या पाण्याने वेढलेल्या आहे व एका बाजूने रेल्वे स्टेशन आहे. ह्या बाबींचा विचार करून कल्याण पश्चिम मतदार संघाला उड्डाण पुलांची किती गरज व महत्व आहे, याचा विचार करता मतदार संघातील दुर्गाडी उड्डाण पूल, पत्रीपूल, मांडा-टिटवाळा उड्डाण पूल, वडवली पूल व प्रस्तावित असणारा उन्नतमार्ग या साठी सतत राज्य शासनाकडे पाठपुरवठा करून ते काम पूर्ण करून घेतले. आपल्या कल्याण पश्चिम विधानसभा मतदारसंघाची भौगोलिक परिस्थिती पाहता शहरात प्रवेश करण्यासाठी चारही दिशेने उड्डाणपूल आहेत. मात्र, वाढती लोकसंख्या आणि वाहनसंख्येचा विचार करता है उड्डाणपूल अपुरे पडत असल्याने त्याच शेजारी नवीन प्रशस्त उड्डाणपूल असावेत यासाठी मागील पाच वर्षात आपण पाठपुरावा केला आणि वचननाम्यात दिलेल्या आश्वासनानुसार खासदार श्रीकांत शिंदे साहेब व राज्य सरकार यांच्याकडे पाठपुरावा करुन नवीन पत्रीपुल, नवीन दुर्गाडी पुल आणि शहाडकडून येण्यासाठी वालधुनी नदीवर नविन उड्डाणपूल बांधण्यासाठी आवश्यक ती कार्यवाही केली.